Arbër Zeneli i këput sërish ligamentet, do të operohet

19:51 | 31 Korrik 2021
A. B.

Reims njofton se Arbër Zeneli ka këputur ligamentet e gjurit në ndeshjen përgatitëse të parasezonit ndaj Auxerre.

Zeneli iu nënshtrua ekzaminimeve mjekësore që treguan edhe lëndimin e yllit kosovar.

Ai do t’i nënshtrohet operacionit dhe më pas do të dihet se sa gjatë do të mungojë jashtë fushave të blerta.

Një lëndim të tillë mesfushori kosovar e pati në vitin 2019, duke e lënë jashtë fushës gati një vit.

Para dy ditëve, ai në profilin e tij në Instagram lajmëroi se nuk do të ishte aktiv në rrjetet sociale për një kohë.

“Për shkak të momenteve të vështira në jetën personale, s’do të jem aktiv në Instagram për një kohë. Faleminderit për mirëkuptimin”, shkroi ai. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm